ГӏалгӀайчен 17 эзар совгӀа саг чакхваьлар, гепатит С дий хьожаш
ГӏалгӀай мехка гепатит С оалача лазара дарба де дагахьа, царга хьожаш бола болх дӀахьу; «Дӏаьха, хьинаре вахар» яха къаман проект хилар бахьан долаш. Ер шу дӀадоладелча денз, республикан 17 эзар саг вирус оала лазар дий хьожаш чакхваьлар. Из ба программа дика дӀахьош хилар керттера гойтам.
Дӏадахача шера гурахьа Наьсарен кхален керттерча дарбанче хьайийллар лаьрххӀа йола гепатит С оалача лазара дарба ду моттиг. Ӏоахашканаькъан А.О. цӀерагӀча клинически дарбанчен инфекце отделене геттара халача хьале болча унахошта дарба ду. Цул совгӀа, федеральни бюджетера молхаш а лоаттаю.
ГӏалгӀайчен кулгалхочо Келаматанаькъан Махьмуд-Ӏаьлас цох дувцаш белгалдир, Ӏаьдало кертте оттадеш дола декхар да, 2030 шерга кхоачаш гепатит цӀендаь дӀадаккхар. Цо иштта белгалдир, хьалха гучадаьнна хинна лазараш аттача доалаш доагӀилга, царна дарба сихагӀа хулаш долга.
Путин Владимира хьалхашка оттадаь декхар хилар бахьан долаш, из дарба хӀара сага деш да, нагахьа санна из лазар долаш вале. ГӏалгӀайче 60 совгӀа сага дарба даьд. ЛоархӀаме да из новкъостал дӀа ца кхоачаш саг цавитар», - аьлар цо.
