Пхи эзар совгӏа унахцӏенон болхлошта тӏехьара тӏа лаьрххӏа ахча делар
12.12.2025 09:33
2025 шу дӏадоладелча денз, Гӏалгӏай Республике гӏолла йолча Россе Вахара ганза даькъо лаьрххӏа дола ахчаш дӏадахьийтар мехкарчаа 5 185 унахцӏенон болхлочоа. Из хоам бир Гӏалгӏай Республике гӏолла йолча СФР зарбан болх лелабераша.
Ахчанцара новкъостал лаьрхӏа да хьалхарча даькъ тӏа болх беш болча лорашта; керттерча, кхалений дарбанчей говзанчашта; урхаллений даькъ тӏарча лорашта; сихача новкъостала станце болхлошта. Алапеш да 4,5 эзаргара дӏадоладенна 50 эзар сомага кхоачаш, беча балхага а моттигага а хьежжа.
Ахчаш доагӏараш белгалбераш унахцӏенон моттигаш шоаш я, йоах Гӏалгӏай Республике гӏолла йолча СФР. Цу гӏулакха, тӏехьара тӏа дехараш язде а дезац. Ахча чота тӏа хьатӏадоагӏа, СФР даькъ тӏа хоамаш дӏадахьийта ворхӏ ди далале.
