Тоае еза моттигаш хоржаш, дакъа лаьцар 62 эзар совгӀа сага
Мехка эггара хьалхарча оагӀонца куц тоаде деза моттигаш белгалъеча хоржамашка, дакъа лаьцад 62 эзар совгӀа вахархочо. Эггара хьинарегӀа из болх дӀабихьаб наьсархоша, 14 549 сага дакъа лоацаш. «Сердалога» из хоам бир Мехкадаь зарбан болх лелабераша.
«Белгалде деза, цу беркатеча гӀулакха юкъе дакъа лаца ловраш хӀара шера дукхагӀа болга. Нах цу гӀулакхах тешаш хилар, мехкара хувцамаш теркалдеш болга да из», - аьлар вай Мехкадас цу оагӀонцарча балхах дувцаш.
Укх шера харжа оттаяьр 54 моттиг яр, царна юкъе дукхагӀа болча наха хержа 24 моттиг хьатӀадоагӀача шера шахьара хьал тоадарах йолча федеральни проектага гӀолла тоаергья.
2019-ча шера денз, цу программага гӀолла мехка куц хийцараш 189 моттиг я, цу юкъе я паркаш, сквераш, наькъаш. 26% - га кхоачаш шахьара хьал эргадаьккхад цу беркатеча гӀулакхо.
