«ГӀалгӀайчен экономика дегӀайоагӀаш я, инвестицей проекташ юкъеяьха хиларах. 2024 шера ГӀалгӀайче цхьадолча боахамашка дика толамаш даьхар. Промышленноста оагӀорахьарча балха даькъ тӀа - 13,2%, фусамаш хьалъеча - 7,7%. Юртбоахамера хьал 2,3% лакхагӀа хилар. Из доацаш, республике доалахьара хӀама леладеш бола инвестораш юкъебаха таро хилар, из бахьан долаш, хьатӀабоагӀаш бола пайда а белггала гуш хилар.

Уж деррига а толамаш даха вӀаштӀехьадоал, Россе президента тӀадиллача декхарах йола къаман проекташ кхоачашъеш хиларах», - аьлар хоамо.

Массазарча викала белгалдир, ГӀалгӀайчен бахархой къахьегаш а уж барт болаш цхьана болх беш а хилар лакха долга. Чайка Юре иштта аьлар, ГӀалгӀай мехко вахара-экономически декхараш дика кхоачашдеш хилар, из бахьан долаш экономика дегӀаяр а иштта хул.

Цо яхачох, Къилбаседа Кавказа федеральни куран тӀа цхьана болх дӀахьош хиларах, цу тайпара толамаш даха таро хул. Иштта цо белгалдир, ГӀалгӀайче тахан латташ долча халача тӀема хьалашка, СВО дӀахьоча лаьрххӀача операце дакъа лоацаш, турпалал гойташ хилар.

ГӀалгӀайчен викалаша баркал аьлар Чайка Юрена вай мехка цо иштта теркам лоаттабеш хиларах. Тешам белар хьалхашка оттадаь декхараш кхоачашдергхиларах. Республикан Ӏаьдал лаьрхӀа да дӀахо а вахара-экономически хьал тоадеш, дика къахьегаш бола никъ дӀабахьа.