ГӏалгӀайчен ЦУР болх тоабеш я, наьха дехараш тохкаш
ГӏалгӀайчен доал леладеш йолча урхаллен Центр дика толамаш гойташ я, наьха дехараш тахкара даькъ тӀа. Тӏехьарча кӀира цар хаттараш кӀезигагӀа да 35%.
Дӏадахача кӀира ЦУРо белгалдир ялх моттиг нийсъенна хилар, хоамий кхераме хьал долаш. Царех шиннеца боаггӏаш бола болх бир, юхедиса диъ теркама юкъе да, царех де дезар хьадергда жоп дала дезаш долча боахамаша.
Иштта белгалде деза, «Менеджмента хьал» яхача даькъ тӀа 74 хаттар дена хилар - уж кхозза кӀезигагӀа да дӀадахача кӀира хинначул. ДукхагӀа дола лоткъамаш Наьсарера, Шолжера да.
Цул совгӀа, ЦУРа лоархӀаме декхар кхоачашдир «Газпрома» викалашца, балха даькъ тӀа бувзам лелабара тӀехьа. Цо таро лургья бахархой газаца дувзаденнача хаттарашта жоп дала.
ГӏалгӀайчен кулгалхочо Келаматанаькъан Махьмуд-Ӏаьлас белгалдир, наьха хаттараш, Ӏаьдало беча балха гойтам хилар.
«Уж хаттараш сиха кхоачашдеш хиларга хьежжа, хургба бахархой тешам а. Мехка ЦУРо дӀахо а ший болх дӀабахьа лерхӀ боахамашцара болх дикагӀа тоабеш, нахацара бувзам чӀоагӀбеш», - аьлар цо.
