ГӏалгӀайчен ийслагӀча класса дешархоша ОГЭ лакха толамаш гойтар
ГӏалгӀайчен ийслагӀча класса дешархоша карарча шера лакха толамаш гойтар, керттера паччахьалкхен экзамен дӀалуш. Цох дийцар Рособрнадзоро.
Информатикан юкъера балл 30-гара 44-га кхоачаш, хӀаьта географи– 24 гара 37. Из дӀалуш хиннача 8399 дешархочох 49 мара висанзар кӀезига балл йолаш, керттерча ханага диллача, бакъда тӀехьара тӀа еннача хана, цар уж дика дӀаелар. Белгалду цу тайпара моттигаш хӀанз кӀезигагӀа я кхозза, дӀадахача шера хинначул.
Цатоамаш долаш моттигаш а хиланзар. Карарча шера 45 дехар дӀаделар ГИА хаттарех, уж а 2024 шера хинначул 22 кӀезигагӀа я. Цу юкъе 20 выпускника хаттараш кхоачашдир.
ГӏалгӀайчен кулгалхочо Келаматанаькъан Махьмуд-Ӏаьлас белгалдир; мохк дӀахо а экзаменаш дӀаяхьара лостамга хьожаш хургба, аьнна.
«ЛоархӀаме да кийчо яр, экзамена кампане болх лерттӀа вӀашагӀболлара; хӀара бера таро хургйолаш, шийна ховш дар гойта», - аьлар цо.
