Мехкадас бахархой хаттарашта жоп лургдола кхетаче дIаяхьа кIирал кIезигагIа ха йисай
Республикерча бахархой хаттарашта жоп лургдола кхетаче дIахьоргья вай мехкадас Келаматанаькъан Махьмуд-Iаьлас, укх бетта 11-ча дийнахьа нийсса пхи сахьат сайрийна даьлча. Шоай дагалаттараш, шоашта къувлараш мехка кулгалхочунга гIолла дашха аьттув хургба бахархой.
Тайп-тайпарча кхалений моттигашкара 100 совгIа хаттар да карарча хана денараш, болх кхы а дIахободаш ба. Мехкадаь зарбан болх лелабераша хьалхадоаккх, хаттараш малагIча оагIонга гIолла дала йиш я - +7 (962) 640-86-66 WhatsApp, Telegram , е MAX гIолла, иштта Telegram чат-боте гIолла.
«Магас» телеканале, «ВКонтакте» яхача мехкадаь оагIонца, къаман радио 88.8 FM гIолла дIахьош хургба болх.
«Раьза волаш жоп лургда аз шун хаттарашта, республикера вахар тоадара балхах дувцаргда вай цхьана», - аьлар вай Мехкадас.
Хьалхара иштта йола кхетаче кхаь сахьатаи ах сахьатаи хилар. 350 совгIа хаттар дар цу хана денараш.
