«Баркал ала лов Мухьмада ПаьтӀамата, профессиональни говзал йолаш, ший балха тIа бехктокхаме йолаш, из хиларах, - язду Кхоартой Мухьмада энергетикий адресах ше дайтача каьхата тӀа. – Мухьмада ПаьтӀамат терко йолаш, бехктокхаме, нахаца Ӏимерза, боккхийча нахаца кӀаьда саг я. Тхо из йолча даьхкача, дикахетарца юхадерз, оаха доаккхал ду из мо йола саг вай хиларах. Цо ший болх иштта дика дӀахьош хилар тхона массанена дола масал да».

Малсаганаькъан ПаьтӀамат – Илдарха-ГӀалий тӀарча тока даькъе болх беш я. ХьайоагӀача хана, цхьан юкъа мара болх бергбоацаш енаяр, бакъда цхьа ха яьлча, из боацаш ца мегаш а хилар. Цо цу даькъ тӀа къахьега 13 шу да. Цун хьалхара уйла: «Са безам ба укх дукхача, дикача нахаца цхьана болх бе, кхычар хьашташ кхоачашдар хьалхарча декхарах лоархӀаш шо хиларах.

КӀеззига сабар дича, кхетадеш а хилар - цхьоагӀонца, тешаме болх хьабеш хиларо мехкарча наьха вахара хьал тоаделга. ХӀаьта со а цу юкъе дакъа лаца йиш йолаш я, сай мехка хьал тоадеча, сайгара дакъа юкъехьош. Из деций керттердар?!»

Болхлоша Мухьмада ПаьтӀаматагара масал эц: дика оамал йолаш, сага дикахетар хилча гӀадйодаш, иштта нийсхо езаш саг я из. «Ший балхах кхеташ, къахьегама тӀера йолаш, нахаца юкъара мотт бувца ховш, - йоах Илдарха-ГӀалан ток лоаттаерий отделене кулгалхочо Аькхмарзанаькъан Зоврбика. – ХӀаранеца безаме а кӀаьда йистхилар долаш а я из, тӀаккха уж а ба цунца иштта. ПаьтӀамат - дикача энергетика масал да: бехктокхаме, ший болх безаш, безаме».