Буро кӀалхара ФОК йиллача ханал хьалхагӀа кийча хургья
19.09.2024 10:13
Йиллача ханал хьалха тоаяь хургья Буро кӀалхара ФОК. «Сердало» газетага Мехкадаь зарбан болх лелабераша беча хоамах, Ӏан хьалхарча бетта ший наӀараш хьаелларгья цу моттиго.
ООО «Экострой» яхача гӀишлон балхаш леладеча оагӀон къахьегамхой ба из болх дӀахьораш. Карарча хана, тӀера пенаш, кӀалхара кӀийле тоаеш, аьшкабетона пен хьалботташ боахк уж. Болх йистебаларца, эшаш мел бола кхоачам дӀачухьоргба ФОКЕ; бокса, дзюдон лаьрхӀа доазош къоастадергда.
«Демографи» яхача къаман проекта «Спорт- вахара оамал» яхача моттигерча проектага гӀолла дӀахьош ба из беркате болх. ДӀадахача шера бӀаьстан хьалхарча бетта хьалъе йолайир из ФОК.
