ГӏалгӀайчен Кулгалхочо мохк дегӀаахара керттера хаттараш дийцар Назаров Сергейца
Балха тӀехьа лаьрхӀа ма хиллара, ГӀалгӀайчен Кулгалхочун Келаматанаькъан Махьмуд-Ӏаьлан кхетаче хилар РФ экономически дегӀаахара министра гӀончаца Назаров Сергейца. Цар техкар республика дегӀайоалаяра керттера хаттараш.
ГӏалгӀай Республикан Кулгалхочун, Паччахьалкхен зарбан болх лелабераша яхачох, теркама юкъе дар лоархӀаме хаттараш: промышленность, юртбоахам, энергетика, коммунальни боахам, цхьана федеральни проекташ кхоачашъяр. Керттера терко тӀаяхийтар инвестице хаттарашта, иштта доалахьара хӀама леладара оагӀонна.
Цу хаттарашта чудоагӀаш, тахан Назаров Сергей ваха хилар цхьацца йолча моттигашка хьажа, цу юкъе МагӀалбикера «Сердало» яха технопарк. Тахан из предприяти болх беш еце а, цун таронаш ца зувш йисанзар. Министра гӀончас белгалдир технопарка арахецар дӀаэцаш хилар, цо иштта аьлар федеральни новкъостал дара хьал тохкаргда.
Цул совгӀа, шинна а оагӀорахьара дийцар фермерий а иштта доалахьара а боахамаш дегӀадоаладарах.
«Со тешаш ва, Россе экономически дегӀааахара Министерствоца цхьана дӀахьош болча балха, республикан экономика чӏоагӏъергья аьнна, иштта ГӏалгӀайчен бахархошта керда таронаш хьакхолларгхиларах», - аьлар Мехкадас.
