ГIалгIайчен Кулгалхочо жоп лургда, республикан бахархой хаттарашта
28.10.2025 15:50
Лайчилла бетта 11-ча дийнахьа Москверча хана 17:00 сахьат даьлча ГIалгIайчен бахархой таро хургья республикан кулгалхочунца Келаматанаькъан Махьмуд-Iаьлаца къамаьл де, «Нахаца гуччахьа къамаьл деш» яха передача дIахьош.
Цига дакъа лацара, бахархой таро я шоай хаттараш дIадахьийта телефонах+7 (962) 640-86-66 мессенджерашка гIолла МАХ, Telegram а WhatsApp а. Иштта аттагIа хургдолаш, лаьрххIача сайта тIа болх беш чат-бот я Telegram, из хьалаха йиш я https://t.me/liniya06_bot.
Кхетаче дIахьош хьажа йиш я мехкаа Кулгалхочун оагIон тIа, «ВКонтакте», иштта къаман «Магас» телеканалага гIолла. Цул совгIа, эфир дIахьош ла дувгIа таро хургья радиога гIолла 88.8 FM.
