Мехкадас ваьча денца даькъалавийцар ВГТРК гендиректор
Гӏалгӏай республикан кулгалхочо Келаматанаькъан Махьмуд-ӏаьлас ваьча денца даькъалавийцар ВГТРК керттера директор Добродеев Олег. Цунца цхьана белгалдаьккхар, мехкара телевидени а радио а дегӏакхувлача цо юкъедихьа лоархӏаме дакъа. Иштта Макшарипа Махьмуд-ӏаьлас хьоахадир, Добродеевс дуккхача шерашка баьча балхо из йоккха говзал йолаш, ший гӏулакха тешаме волаш, мехка хьашташ кхоачашдеш хьавенилга хьахайташ хилар.
«Со тийша ва, Олег Борисович бахьан долаш, ВГТРК вай мехкарча телевиденена, радионна массаза хьалхаяьнна йоагӏаш хиларах, вахарерча моттигех бакъдар дувцаш, российски медиаарен дикагӏа дола ӏадаташ лорадеш», - аьлар Мехкадас.
Къаьстта теркам тӏабахийтар Келаматанаькъан Махьмуд-ӏаьлас, ВГТРК Гӏалгӏайче ерригроссийски боарам тӏа дӏайовзийтача даькъе гӏо деш хилара. Телеканала болх бар бахьан долаш, миллионаш болча телехьажархошта довз къаман культурах, ӏадатех, цун вахаре хулаш долча кердадарех.
«Дег тӏара даькъалавувц Олег Борисович, из могаш хилар а кхоачалуш боаца аьттон низ цун хилар а лов, Россена гӏулакх деча новкъа!» - тӏатехар Макшарипа Махьмуд-ӏаьлас.
