ГӀалгӀайчен Кулгалхочо, 73 шу даларца, даькъалавийцар Россе Президент
Ардара бетта 7-ча дийнахьа, Россе белгалдир, Президента Путин Владимира 73 шу дизар. ГӏалгӀайчен Кулгалхочо Келаматанаькъан Махьмуд-Ӏаьлас даькъалавийцар паччахьалкхен Кулгалхо цу цӀайца.
Бувзама оагӏонашка ше кхайкарал деш, вай Мехкадас белагалдир, мехка толамаш ца хадаш дувзаденна хилар хьалхалаттача кулгалхочун политически лоӀам а хьаькъал а хиларца.
«Къаьстта ӏа дакъа лацарах, Къилбаседа Кавказе машар эттаб. СКФО еррига республикаш, Российски Федераце кхыйола миӏингаш санна, дика дегӀайоагӀаш хилар гуш да», - аьлар Макшарипа Махьмуд-ӏаьлас.
ГӏалгӀайчен Кулгалхочо иштта терко тӀаяхийтар Россе президента могаяьча къаман проектий лоархӀама. Уж хилар бахьан долаш республикан вахара дикал лакхъеннай.
«Дерригача гӀалгӀай къаман цӀерагӀа, сайгара къаьстта, лов сона Хьо могаш хилар; Сийлахь Россе кхоане хургйолаш, дӀахо лаьрхӀар чакхдаккха низ кхоачалба»,-аьлар республикан Кулгалхочо.
