Телевидене болхлой цар цӏайца даькъалабийцар Мехкадас
21.11.2025 12:17
ГТРК «Гӏалгӏайче», НТРК «Магас» къахьегаш бола болхлой цар цӏайца, Дерригача дунен телевидене денца даькъалабийцар Мехкадас. Режиссёрашкара дӏаволавенна, операторашка, сценаристашка кхаччалца цар болх мел лоархӏаме ба белгалдир мехка Кулгалхочо.
«Телевидене дӏахьош бола болх боаггӏача боараме моллагӏа хоам бахархошка дӏакхачийтара тӏехьа лоархӏаме ба тахан», - аьлар Келаматанаькъан Махьмуд-ӏаьлас.
Иштта Мехкадас теркалдир, вахаре телевидене дӏалоацаш йола моттиг лоарх1аме йолга. РФ Президента, наха бакъдар довза деза яха дешаш хьадоаладир цо ший къамаьла юкъе. Шинна телевиденера нах даькъалабувцаш, аьттонца, шоай декхараш лакхача боараме кхоачашдеш къахьегаш хилара тӏахьийхар цо. Беркате хилба цар болх!
