ЦӀайца даькъалабийцар шо-шоай даькъ тӏа къахьега полице викалаш
ГӏалгӀайчен кулгалхочо Келаматанаькъан Махьмуд-Ӏаьлас даькъалабийцар шо-шоай даькъ тӀа хӀанз болх беш бола болхлой, ветеранаш цар профессиональни цӀайца.
Цо белгалдир, даькъ тӀарча полице викалий болх - из духхьал юкъарлон цхьоагӀо лелаяр дац, из да бахархошта тешам луш йола юкъера юкъ хьакхоллар.
«Из боккха бехктокхам ба, профессионализм дӀаехаш бола, иштта саг хилар, сатем, цхьайолча хана ше кӏалъоттаве кийча хилар», - аьлар мехка Кулгалхочо. Ше тешаш ва, аьлар цо, наьха цӀеношка машар, цхьоагӀо лоаттаеш бола нах, уж лархӀа безаш а материально хьаллаца безаш а хиларах.
«Къаьстта из бахьан долаш, ше республикан МВД ваха волаш, кхайкарал а дир; цу даькъ тӀара полице болхлой каст-каста ахчанца хьаллацара хаттарашка хьажа, аьнна. Сай оагӀорахьара кийча ва уж хьаллаца», - аьлар Келаматанаькъан Махьмуд-Ӏаьлас.
Къаьстта баркал аьлар цо бокъонаш лораерий ветеранашта, уж иштта шоай професси лоархӀаш хиларах, лакха говзал йолаш, Ӏадатий оагӀонаш къонача тӀехьенга кхоачийташ хьабоагӀаш уж хиларах.
