Къамаш цхьанкхетара Денца, бахархой даькъалабийцар Мехкадас
04.11.2025 16:57
Къамаш цхьанкхетара Денца, бахархой даькъалабувцаш къамаьл дир мехкадас Келаматанаькъан Махьмуд-Iаьлас.
Республикан кулгалхочо белгалдир, Росси низ болаш хилар, цун чудоагIаш дукха къамаш хиларца, вIаший барт, бувзам хиларца дувзаденна долга.
«Массахана вIаший тIаотташ, гIо деш хиларо моллагIча халача хIаманна духьалъотта низ хилийтаб вай, яхь ца йохкаш укх ханага кхаьчад», - белгалдир вай Мехкадас.
Республикан кулгалхочо иштта теркалдир, вай къам доккха, дIаьхий истори долаш, ший никъ тайп-тайпарча къамашцара барт лорабеш, нийсхо оттае хьожаш хьаденилга.
