Паччахьалкхенца йоккха кхетаче йир Мехкадас
Мехка вахара-экономически оагӏонца дувзаденнараш доашхаш, дӏабахьа безача балхах дувцаш паччахьалкхенца кхетаче дӏайихьар вай Мехкадас.
Укх бетта 11-ча дийнахьа телевидене гӏолла хаттар-жоп долаш бахархошца дӏайихьа кхетаче керте лоацаш, болх дӏабихьар цига. Кхо сахьат совгӏа хиннача цу кхетаче 500 совгӏа хаттар дера бахархошкара. Наха дагадоахкаш хиннараш тайп-тайпара дар - ЖКХ оагӏонгара йоккхача, зӏамигача бизнесага кхаччалца.
Иштта лоархӏаме моттиг дӏалоацаш хилар къаман культраца дувзаденнараш а. Бахархой хӏара дехар, хаттар тохкаш болх дӏахьо аьнна тӏадиллар Мехкадас. Белгалде деза, ер шу хьаэттача денз, мехкахошкара 27 эзар совгӏа хаттар хиннилга. Дукхагӏа йолча моттигашцара болх чакхбаьккхаб тахан.
«Бахархой дехарашка гӏолла довз наькъашца, ишколашца, дарбанчешца дувзаденна кхоачамбоацараш, бетташ даьлча ца а деш, хӏанз теркалде деза уж, тахан дӏадоладала деза цу тӏехьа болх бе», - белгалдир вай Мехкадас.
