Мехкада: Вай балха юкъе - республикера бахархой.
ХIара шера дIакхухьача «Гуччахьара къамаьл» яхача кхетаче гIолла вай мехкадас белгалдир, Iаьдала моттигашка къахьегарий балха юкъе бахархой болга.
«Вай къоаной, кагирхой, республикера хIама тоадара тIехьа къахьегаш хьабоагIараш лоархI аз дег чура. Сийдола, къахьегама тIера бола, доккхача дикашка кхача гIерта нах бах вай мехка.
Къаьстта цу наха терко еш, боаггIача боараме болх дIабахьа беза вай», - аьлар Мехкадас. Республикан кулгалхочо белгалдир, хьакимаш тахан шоаш нахал лакхагIа увттабеш хила йиш йоацилга. Мехкадас теркалдечох, уж - республикера хьал меттадоаладара тIехьа боаггIача боараме къахьега аьнна балха дIатIабахийта нах ба.
Мехка хьалха латтачо яхачох, массахана шоай болх тоабеш, балхаца дувзаденнараш дикка шаьрдеш, хьакимал наьха гIулакха латта, цар хьашташ кхоачашде деннилга кхетадеш, тIатеIIа къахьегаш хила беза уж. «Ишттача наькъаца, нигатаца мара бахархошта хьалхашка тешаме нах хинна дIаотталургдац вай», - тIатехар Мехкадас.
