Цӏихезача политологаца Геворгян Каринэца, кхетаче дӏахьош хилар вай Мехкада
Российски политолог, востоковед, «Дошо гӏала» яхача мехка хӏара шера дӏакхухьаш йолча кинофестивала тӏахьожаш йолча Кавказерча кхелахочунца Геворгян Каринэца, кхетаче дӏайихьар вай Мехкадас.
Республике дӏакхухьаш йолча культуран кхетаченах, иштта кхыдарех дийцар цига. Республике Къаман музей хьаелларах, исбахьален ишкола хьал тоадарах, иштта кхыйола моттигаш кхолларах къамаьл хилар вай Мехкадаь, цӏихезача политолога. Магӏалбике лаьттача тӏема операце доакъашхо хиннача ший даьна хетадаь «Со зӏамига йолча хана» яха книжка делар Геворгян Каринэс мехка кулгалхочунна.
«Цхьацца проекташ йоаржаеш, вӏаший бувзам лоаттабе лаьрхӏа да тхо. Вай мехка массахана безаш тӏаийбергба цун истори, культура, кхоллама вахарца дувзаденнараш лоархӏа нах», - белгалдир вай Мехкадас.
