Юрта хица а газаца а Iалашо яра дош хIанз кIеззига дикагIа латт. ХIаьта юрта сердало хилийтар гIулакх лаьгIа латтар. Юртхой латIкъаш бар цхьацца моттигаш нийслора свет йоацаш, е лампаш йоагаш. духхала цу лампах беха мах боацаш а автовышка оттаярг а из хувцара цхьа эзар ах эзар сом дIадода. Из кIеззиг-кIеззиг хьаIовш хул. Цу тайпара мах дIабахьа хала ба моттигерча бюджетага хьежача. Цхьайолча хана хеталора лампаш хинна а Iей хьо-гI укхаза бехке аьнна, деррига цхьана дий хьогI, аьнна а хеталуш ханаш йоагIар. Электролини къаенналга а кхы дола бахьанаш а хила йиш яр.
Сердал дикка хилийтар хаттар —из кхыдола хаттар да. Ерригаш а улица тIа 22 сердал луш йола лампаш ягIар. Из сердал массанахьа дIакхоачаш яцар. Цунна а ший бахьан дар. Йоагаш ца йоагаш йолча лампаша безам бале а беце саг корзагIа воаккхар къаьстта бийсана.
Цу хаттарга кхы юхадоагIаргдоацаш из кхоачашде лаьрхIар,-яхаш дувц Ахьмада.
ЧIималха юрт сийрдалонца Iалошо яь хилийтар дола хаттар кхоачашде лаьрхIа дукха хана денз Ахьмада вовзаш волча Воронежерча ООО НПП"НФЛ" йоккхача светотехнически компане кулгалхочоа.
Сона Александр Владимирович вовза дукха ха я, компани болх бе йолаелча денз. ХIанз-м из Европе а шоай продукци лоаттаеш йоккха завод я. Бакъдар аьлча цо тхоашта новкъостал ца дар кхераш а вар со,-йоах Ахьмада. Дале а из тхона накъа вера. Тхоай юртара квадрокоптерца сурташ а даьхар оаха, специалисташ юртара хьал дика кхетадеш хургболаш, цу юкъе масса лампа еза а уж мичахьа дIакхоачаш хила еза а. Цу юкъе тхоай таронга хьожаш дар тхо. Юххера лаьрхIа 42 лампаца юрта еш йола Iалашо нийса хургъя аьнна, аьлар Ахьмада. ЧIималха цIенош массехк дIа-юха дегIа дагIа. Цудухьа свет чуйиллара болх а цунга хьежжа чоалхане бар. Гаьн-гаьнна цIенош дIагIаш хиларах болх массехк чоалханегIа берзар. Из цIаьхха хинна юрт яц, дукхача хана денз дагIаш цIенош да уж. Дукха хана денз кхоачашде деза хаттараш дар тахан халхашка нийсденнараш. Цудухьа кхы тIехь тIа йоагIача хана а хургдолаш тахан данза даргдоацар де лаьрхIар оаха.
Улицаш а цхьаццанахьа шерагIа а цхьайолча моттиге готтагIа а нийсъенний. Цунга хьежжа шерагIча шишши, готтагIча цхьацца лампа йогIаш бир оаха болх.
Укхаза белгалде доагIа воронежера ена лампаш вайцига базар тIара ийцачарел шозза пайданегIа хилар. Цу дешо а таро хулийтаргъя ЧIималха бюджете пайда совбаккха.
