КъайлагӀа лелаеча экономикаца къовсам лоаттабу
ГӏалгӀайче дӀахьош ба къовсам, экономикан даькъ тӀа къайлагӀа пайда беш бола болх гучабоаккхаш. ГӏалгӀай Республикан Кулгалхочо Келаматанаькъан Махьмуд-Ӏаьлас дакъа лаьцар цу деша хетаяь сесси дӀахьош, из дӀайихьар Россе вице-премьера Новак Александра кулгал деш.
РФ Президента хьалхашка оттадаь, иштта Паччахьалкхено чӀоагӀдаь декхараш кхоачашдара, боккха болх дӀабихьаб республике. Боахамашта юкъерча комиссе гучадаьхар 1370 саг цу балхашка дакъа лоацаш хилар, лаьрххӀа балха моттиг чӀоагӀъяь а йоацаш. Царех 215 балха эттараш ба бокъонах доаггӀача беса, хӀаьта 491 доалахьара хӀама леладеш санна чӀоагӀбаь ба.
Уж хоамаш доаладу таханарча денна ГӏалгӀай Республикан Кулгалхочун, Паччахьалкхен зарбан болх лелабераша.
Цул совгӀа, таханарча денга кхоачаш 8 эзар моттиг юкъерча, зӀамагӀча предпринимательствос чӀоагӀъяьй, из дӀадахача шера хинначул 10,5% дукхагӀа я. Иштта ший доалахьара хӀама леладара боарам лакхлуш боагӀа: уж ба 28 эзар, 44,2% дукхагӀа.
Мехка Кулгалхочо белагалдир, уж толамаш болх боацаш нах цабитара накъадоалаш хилар.
Карарча шера маьцхали бетта из лохагӀа хилар 25,2%, из хул 1,4% лохагӀа дӀадахача шера хинначул. Дикка толамаш даьхар болх лоаттабара даькъ тӀа, цун боарам ба 5,6% - лохагӀа 3,2% дӀадахача шера маьцхали бетта хинначул», - аьлар цо.
Белгалде деза, миграционни политике кийчдаьд 3 эзар совгӀа патенташ кхыча мехкара хьабаьхкача болхлошта. Вахара-коммунальни даькъ тӀа гучадаьлар бокъонах доацаш 594 тока саьргах дӀахетта хинна моттигаш йолга. Иштта болх дӀахьош ба электроэнерги лелаяра дола гӀирсаш латтий хьожаш. ЛаьрххӀа йола программа я хий зехьа доадергдоацаш вӀашагӀъелла, цига гӀолла таро хилар 7,8% хий зехьа доадара хьал лаьгӀде.
Хьалха кхы а дукха хаттараш да, дӀайолае езаш я болх ца беш латташ йола къахьегама моттигаш, хьакхолла еза керда балха моттигаш.
Из деррига тӀадерзадаь да экономика къаьгга хургйолаш, цо таро лургья вай республикан бахархошта вахара таронашца Ӏалашо е», - аьлар Келаматанаькъан Махьмуд-Ӏаьлас.
