ГӏалгӀайчено ӏалам лорадеча проекташта шозза дукхагӀа ахча хьожадергда
ГӏалгӀайчено шозза дукхагӀа ахча лургда ӏалам лорадеча проекташта, яхаш, дийцар мехка Паччахьалкхено.
«ГӏалгӀайчен Ӏалама тароний, экологе министра Мизенаькъан Микаила къамаьл дир ГӏалгӀай Республикан Халкъа Гуллама депутаташта хьалха, цо дийцар 2025 шера министерствос баьча балхах. Россе Президента могаяь къаман проекташ кхоачашъяра хьожадир 9,8 млн сом, из деррига ахча карадерзадаьд. 2026 шера из 18,7 млн сом да – шозза дукхагӀа»,- аьлар хоамо.
Цу дикача гӀулакха дӀадохийташ дола ахча дукхагӀа хиларо таро лу республикера нувхаш дӀаяха, юхакъоастаеш йола нувхаш дикагӀа пайда эцаш лелае, хьуна таронаш меттаоттае, хиш цӀенде.
2026 шу ГӏалгӀайче экологе Шу да аьнна хьакхайкадаьд, дӀахо мел йодача хана, мехка болх дӀахьоргба уж лоархӀаме экологически декхараш кхоачашдеш.
