ГӏалгӀайче хьалхарчарех цаӏ я, къаман хьашташ кхоачашдеча
ГӏалгӀайче хьалхарча моттигех цаӏ дӀалоацаш я, къаман хьашташ кхоачашдеча даькъ тӀа, Россе Президента хьалхашка оттадаь декхараш кхоачашдеча. Хӏанз укх сахьате цун контракта боарам 99% лакхагӀа ба, хӀаьта кассе гӀолла из кхоачашдар 83% я, яхаш, дийцар ГӏалгӀай Республикан Кулгалхочун, Паччахьалкхен зарбан болх лелабераша.
Цу тайпара мохк дакъа лоацаш ба 12 къаман проекте, царна юкъера пхиъ белгалйоалаш я: «Кагирхойи бераши», «Вахара хьалаш», «Экологи», «Туризм», иштта «Пайда луш йола яхьеяьнна экономика». Цу лостамех ГӏалгӀайче хьалха я.
Белгалду, къаман проекташта чубоагӀаш мехка дукха болх дӀахьу: йистебоалаш латт 51 км никъ Ӏобуллаш а тоабеш а бола болх, кердайоахаш я берий бешамаш, библиотекаш. Сурхо тӏа ветераний цӀа тоадеш латт, Наьсаре хьакхоллаш я парк. Цул совгӀа, юрташка хьалъеш я дарбанчен моттигаш.
«Федеральни центро хьаллоацаш, оаха дегӀадоаладеш латт мехкара гӀишлон балхаш: наькъаш, вахареи культурани гӏишлош, лорий моттигаш. Тха декхар ше хиннар да– бахархошта хувцамаш гойтар шоашта уллув: уж бахача, болх беш болча, дешача, салоӀаш болча», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
