Гӏалгӏайче дакъа лоацаш хургья, Мехка Турпалхой Ди дездеча
Россе белгалдергда оагӏой бетта 9-ча дийнахьа Даьймехка Турпалхой Ди. Гӏалгӏайче а хургья цига дакъа лоацаш. Программа дӏаяхьарах дийцар, хӏара кӏира дӏахьош йолча паччахьалкхен кхетаче.
Керттерчарех цаӏ хургья «Оаз яхийта» яха проект, из вӏашагӏъеллай «Хьалхарчар боламо». Из кхоачашъеш я, «Кагирхой, бераш» яхача къаман проекта чуйоагӏаш. Иштта Гӏалгӏай паччахьалкхен салоӏама центре гуллургба начӏал дола къона иллиалархой - «Хьалхарчар хор» яхача проекта доакъашхой, цар кхоллама сессешка дакъа лоацаргда.
Цул совгӏа, цу дийнахьа Гӏалгӏайче дӏайолалуш я «Российски сага юкъара белгало, дегӏаахара доккха дакъа» яха халкъашта юкъера кхетаче. Цига дакъа лоацаш хургба 130 совгӏа Россе дукхача моттигашкара баьхка, юкъарлон, кагирхой цхьанкхетарий викалаш.
Ишколашка, культуран цӏеношка дӏахьоргья денала урокаш, гойтамаш, классера сахьаташ, кхетаченаш. Уж лаьрхӏа я берашта Даьхенцара безам бувца, из езаргйолча тайпара кхетам бала.
«Лоархӏаме да кагирхошта истори довзаш хилар, цу юкъе хӏаравар шийгара дакъа дахьаш хилар», - аьлар Гӏалгӏайчен кулгалхочо Келаматанаькъан Махьмуд-ӏаьлас, ше цу кхетаченах дувцаш.
