Туризма хьал тоадеш латт мехка
Туризма, хьаьший тӀаэцара оагӀонцара гӀулакхаш дикка тоадара тӀехьа болх дӀабахьа лаьрхӀад мехка, 2027-ча шерга кхаччалца. Цу гӀулакха лаьрхӀа вӀашагӀъеллача проектни фусаме чуболхаш ба къахьегама гӀулакхех йолча министерствон, дешареи Ӏилмани министерствон, паччахьалкхен университета болхлой.
Мехкадаь зарбан болх лелабераша белгалдечох, цу балха юкъе чулоацаргда 2030-ча шера дӀатӀакхаччалца де дезараш, иштта цу юкъера болхлой шоай декхараш боаггӀача боараме кхоачашде могаргдолаш кийчбергба. Туризма оагӀонца ювзаенна профессеш харжара тӀехьа йоккха терко ергья, 2025-гӀа шу доладелча денз, цу оагӀонцара болх хержа студенташ 118-га кхоачаш ба карарча хана.
Республикерча дешара моттигашка кийчбергба уж нах. Дешара программаш а таханарча хано дӀадеххача тайпара тоаяь я. Иштта дикка даржаш латт вузашта юкъера бувзам тоабара, чӀоагӀбара гӀулакхаш.
ГӀалгӀай университета бувзам хотташ чӀоагӀо яьй Сочерча, Къилбаседа Кавказерча федеральни университеташца. Хьаьший тӀаэцара гӀулакхех йолча программага гӀолла кийчваьв 30 хьехархо.
«Болх боаггӀача боараме тоабаро, цу оагӀонца дувзаденнараш лертӀача доахаш, наьха хьашташ кхоачашдара теркам тӀабохийташ хиларо мара тоадергдац туризма хьал, хила деззача тайпара», - белгалдир вай мехкадас Келаматанаькъан Махьмуд-Ӏаьлас.
