Цӏенхаштта тоаяь стадион хьаелларгья Магасе
01.06.2026 10:56
Боккха болх дӏахьош тоаяь Магасера стадион хьаелла дукха ха йисаяц. Из хоам «Сердалога» бера мэре болхлошкара.
«Шахьара да вола Тиймарзанаькъан Муса хьожаш хилар болх мишта дӏабихьаб, цхьаккха кхоачамбоацар дий. Спорта моттига тӏабодача наькъ тӏа асфальт биллара чӏоагӏа раьза хилар шахьара да. Стадион хьаеллар йиллача хана хила дезилга белгалдир цо», - йоах тхога бенача хоамо.
Футбола лаьрхӏа дола доазув тоадеш, хьажархошта, спорта яхьашта, моттиг къоастаеш, иштта баскетбола, волейбола эшаш бола кхоачам эргабоаккхаш, сийрда лампаш йохкаш къахьийгад цига.
Шахьара бахархой, къаьстта кагирхой, чӏоагӏа хьежаш ба стадион хьаелларга. Физкультураца, спортаца бувзам бараш хӏара денна вӏашагӏбетталуш йола моттиг я из тахан.
