Вай республика - ГИА дӀаяхьара лакха дикал йола мохк
ГӏалгӀайчено толамаш гойтар паччахьалкхен тӏеххьара аттестаци еча. Из толам белгалбир Ерригроссийски дешара дикала мах оттабеш йола кхетаче дӀахьош.
ГӏалгӀай Республикан Кулгалхочун, Паччахьалкхен зарбан болх лелабераша яхачох, информатиках юкъера балл лакхбелар 30-гара 44-га кхаччалца, географе – 24-гара, 37-га кхаччалца, хӀаьта эрсий метта хьал ше хиннача чӀоагӀа латт - 42. Кӏеззига лохагӀа ба математика кӀийлен боарам – 4-гара 3 балл. Цул совгӀа, карарча шера ийс выпускника 100 балл баьккхар ЕГЕ дӀалуш. Мел дукха судаца ГИА дувзаденна гӀулакхаш къоастадар юхадаьннад а гуш да: дӀаеннай 45 иск, 43 хьежа чакхъяьннай. Царех 20 экзамена доакъашхой бакъбеш хилар.
Зарбан болх лелабераша тӀатехар, керттера паччахьалкхен экзамен дика дӀаяхьар. Цига хиннача 8399 доакъашхочох кӀезига баллаш даьха 49 мара воацаш. 2024 шера хинначул из кхозза кӀезигагӀа да. Цар таро хилар тӀехьара тӀа аттестаци дӀахьош, шоай толамаш тоаде.
ХьатӀадоагӀача шера кхы а дикагӀа тоадергда экзаменаш дӀаяхьара дола хьалаш, говзанчаш кийчбергба. Тха декхар да – республике ГИА дӀаяхьара боарам лакхбар», - аьлар ГӏалгӀайчен кулгалхочо Келаматанаькъан Махьмуд-Ӏаьлас, толамех дувцаш.
