Дукха наькъашкара хатараш хулача моттигех цаI я вай республика
Бахархой хаттарашта жоп луш дIайихьача кхетаче, вай мохк эггара дукхагIа наькъашкара хатараш хулача моттигех цаI йолга хьоахадир Мехкадас. Наькъашкара кхоачамбоацараш 30%-га кхоачаш айденнад, хIаьта авареш - 65,6 кхоач 100 эзар машина.
Къаьстта йоккха терко тIайохийташ дийцар Мехкадас 18 шерга кхачанза бола кагирхой машинаш тIа хувшарах. Iаьдала бокъонаш йохаеш да из хIама, 18 шу даланза волча сага машина ко лаца бокъо яц.
«Со авиаце болх дIахьош хиннав. 5-10 сахьаташ фецарча кемаца дахьош вола частера кулгалхо, бетта салоIаш хинна балха юха араваьлча, 100 сахьата фецарча кемаца гIетташ лелаш даккха дезаш вар. 20 шера болх беш хиннача цун экипажа командир санна гIетта бокъо яцар. Хозахета леладеш хIама мича дар из, дарий?».
Машинашка берашта лаьрхIа гIандаш хила дезилга белгалдир Мехкадас. Уж цахилар, даьй, ноаной сагота цахилар да, аьнна, тIатехар цо.
