Вай мохк чубоагӏаш ба, онлайн хьисапе дукхагӏа лорашка дӏаязлуча 10 моттига
Гӏалгӏайче чуйоагӏаш я электронни кепара лорага дукхагӏа дӏаязлуча Россе итт мехка. Цох дийцар Росздравнадзора кулгалхочо Самойлова Аллас, ше республикан кулгалхочунца Келаматанаькъан Махьмуд-ӏаьлаца къамаьл деш.
«Шо лакхача боарам тӏа латт электронни хьалашка дӏаязлуча. Цудухьа дикагӏча итт мехка юкъедоагӏаш да. Из нах раьза хилар хьагойташ да»,-аьлар Самойлова Аллас.
Моттигерча унахцӏенон Министерствос яхачох, уж гойтамаш хьахилар, болх лерттӏа дӏахьош хиларах. Республике из хьал дика вӏашагӏделлад: даим бувзама оагӏонашка де дезар кепа тохаш, доаржадеш да, регистратура новкъостал ду онлайн кепара дӏаязвара, иштта ден-бус болх беш я цаӏ йолча 122 таьрахьа оаза гӏонча.
«Тхона лоархӏаме да, республикан хӏара вахархо сиха а, атта а дӏаязве йиш йолаш хилар, цунна эшаш дола лорий новкъостал дар. Аргӏанара декхар да - дӏаязвеш хиларга хьежжа, лорий гӏулакх а дика лоаттадар: дӏаязваь йола ха ший боараме хилийтар, «тӏехьа» е «хьалха» ваккхар цу юкъе хургдоацаш», - аьлар мехка Кулгалхочо.
Самойлова Алла хилар республикан кердача лорий центрашка, цо белгалдир, цига дика хьалаш а, лорий тоабаш а хилар.
