«ӏарамхи» курорт Россе могашал меттаоттаю дикагӏа йола моттиг я
«Преми Russӏan Traveler 2025» яхача лостамагӏа дӏабихьача балхах, Россерча дегӏа могашал меттаоттаеча моттигашта юкъе толашагӏа я, аьнна, къоастайир «ӏарамхи» курорт. Россе тайп-тайпарча моттигашкара 500 совгӏа проект яр яхьашта юкъеяхар.
Советски ханашка денз, цигара моттиг, фо дарбане, дика лоархӏаш да. Бӏаь шу хьалха денз, нах ихаб цига тайп-тайпарча моттигашкара шоай дегӏа хьал меттаоттаде.
Вай мехкадас Келаматанаькъан Махьмуд-ӏаьлас белгалдир, курорта толам хилар мехка туризм йоаржаяра тӏехьа дӏабихьача балхаца, вайцигара ӏалам беркате, наха хьаьша тӏаэцар лакха лоархӏаш хиларца дувзаденна долга.
«Иштта йолча проекташа цу оагӏонцарча балхаца боккха пайда боаржабу. Дикка къахьегаш да вай тахан керда наькъаш, моттигаш хьаеллаш, туризма хьал меттадоаладеш», - аьлар Мехкадас. Цо теркалдечох, «Туризми хьаьша тӏаэцари» яхача къаман проектага гӏолла дӏахьоча балха пайда беш да из деррига.
