ГӀалгӀай къаман
юкъара газет

Новости


Гӏалгӏайчен ГИБДД инспектораша дешархошта наькъа кхерамзлен урокаш елар

Гӏалгӏайчен ГИБДД инспектораша дешархошта наькъа кхерамзлен урокаш елар

Гӏалгӏайчен Наьсарен кхален дешара моттигашка дешархошта наькъа кхерамзлен хьал довзийташ болх дӏабихьар. ДПС кхален отдела болхлоша, Госавтоинспекце моттигерча пропаганда отдела викалашца цхьана, болх бир Буро кӏалхарча №1, №2, №3 йолча ишколашка.

«Автоинспектораша берашта хьалхадаьккхар наькъа бокъонаш малагӏаш я, наькъа дехьавалара кхерамзле мишта лорае еза, гӏашлой, велосипедашца леларий керттера декхараш малагӏаш да. Цар къаьстта терко тӏаяхийтар водитела каьхаташ доацаш машинаца лела бокъо цахилара. Говзанчаша дийцар цох хьадоалача зуламах, цул совгӏа из саг уголовни бехктокхаме оттавеш хиларах, цо гонахьарча наха зулам деш хиларах. Цига дийцар бераш дикагӏа дӏаэцаргдолаш, царна доаладир масалаш, наькъашка хулаш дола хьовзамаш а гойтар. Иштта шоайла къамаьл хиларо берий а дукха хаттараш хулийт, цудухьа цар хеттар шоашта лоархӏамегӏа дар, царна жоп ца луш дитанзар наькъа бокъонаш лораераша», - аьлар «Сердало» газетага Гӏалгӏайче гӏолла йолча Россе МВД Гоавтоинспекце.

Республикан автоинспектораша кхайкарал ду берий даьшка, ноаношка уж хьалаш царна даим хьалхадоахаш хила, яхаш. Цхьана къахьегаш хилча мара дикача толамга кхача таро хургьяц. Лорабе беза кхувш боагӏараш машин лелае бокъо йоацаш цӏагӏара ара ца боалийташ, царга машина дӏалуш хилар нийса дац, цар дагадоаца во цӏагӏа чудахь.

Кхетаче чакхйоалаш наькъа бокъонаш, хьехамаш тӏадолаш хӏара дешархочунна тематически дагалоаттама каьхаташ делар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх