Фуртуог яхача лоаман юртара тока хьал меттадоаладеш хилар, «Даькъестен Россеташ» яхача оагӏон болхлой
Жӏайрахьа кхален моттигашка 10 Кв тока линен хьал меттадоаладеш къахьегаш баьхкар «Даькъастен Россеташ - Ингушэнерго» болхлой.
Фуртуог яхача юрта, кхеран хӏама ахьара завода ток лоаттаеш йола лини я из. 1,2 км кхоачаш дола къаьнара, тишденна тока саьргаш хийцад болхлоша, царна меттала тахан хьадаьнна дикагӏдараш чудаьхкад. Моллагӏа тайпара хаоттам хиларах ца талхаш, тӏаьда лоа тӏа ца летара дикагӏа долаш, иштта кхераме лоархӏаш доацаш да кердадараш. Тока саьргашца нийслуш дола кхоачамбоацараш а меттадоагӏаргда, цул совгӏа бокъо йоацача тайпара саьргаш дӏатӏатувсаргдоацаш а дика лоархӏ уж.
Иштта керда «дӏайоаю» моттиг хьаяьй цига. Тока лине болх дӏабахьа безача хана, массанахьара ца а йоаеш, духхьал болх бодача оагӏон тӏара ток дӏайоае аьттув луш я из. «Лоаман моттигашка болх дӏабахьа атта дац, лаьрххӏа кийчо е езаш хул болхлой.
Тока оагӏув хувцар, керда гӏирсаш оттадар къаьстта лоархӏаме да, ӏа бирсо хулача лоаман юрташка. Дагадоацача хана ток дӏайовш, ара лоа дижача тока саьргаш хадаш дола кхоачамбоацараш хӏанз кӏезигагӏа хургда цига», - дийцар Жӏайрахьа кхале тока оагӏонцара керттера инженер волча наькъан ӏоахарганаькъан Руслана. 2026-ча шера «Ингушэнерго» филиала болх ба из.