Моттигерча спорта министерства пресс-служба яхачох, яхьашка дакъалаьцар вай мехкарча дзюдоисташа, уж Яндарерча «Чемпион» яхача ишколе тренировкаш дIахьош ба.
Абхазерча турнире 200 спортсмен вар, Къилбаседа-Кавказа республикай викалаш болаш.
Вай мехкара бахача кегийбарашта юкъера котбаьннараш бар: Йовлой Iийса, Боканаькъан Адам, Боканаькъан Ислам, Китенаькъан Илез, Котанаькъан Хьамзат-Iаьла.
Дотув даьккхарех ба: ЦIечой Рамазан, Бариев Абабукар, Китенаькъан Хизир, Хамхой Абдула, Котанаькъан Мухьмад.
КхоалагIа моттигаш яьхараш: Елхарой ИсмаIал, Мержой Халит, Китенаькъан ИбраьхIим, ГIаьнажанаькъан Резван, Оздой Мухьмад, Доврбиканаькъан Хьамзат.
Яхьаш йистеяьнначул тIехьагIа, доакъашхошта юкъе, шоайла балха говзал дIа-юха эцаш, кхы а пхи ди даьккхар.
Спортсменаш яхьаш дIахьо ЦIечой Султана, ЦIечой Сулеймана, ЦIечой Iалихана, Падиев Ахьмада кулгалдеш.
