Мехкада: Цхьоагӏонна, машара керте латтар Конституци я
РФ Контитуце Денца мехкахой даькъалабийцар вай мехкадас Келаматанаькъан Махьмуд-ӏаьлас. Берригача мехка тахан белгалдеш да из лоархӏаме ди. Российски паччахьалкхен оагӏонца Конституци лоархӏаме, паргӏатон, нийсхон хӏама белгалдеш йолга хьоахадир мехка кулгалхочо.
«Вай боккхача мехка дахаш мел долча къамашта юкъерча машара, цхьоагӏон керте латташ я Конституци», - аьлар мехкадас. Республикан кулгалхочо теркалдир, керттерча бокъоно Россе низ, оагӏув чӏоагӏбергбараш, цун хӏама тоадергдараш юкъелаьцалга: «Конституце вайна белгалду, Росси массахана низах чӏоагӏа бола, ший хӏама тоадеш хьабоагӏа мохк болга.
Нийсхо лоаттаяра, вахарера бокъонаш лораяра тӏехьа чӏоагӏа лоархӏаме моттиг дӏалоацаш я Конституци».
Иштта мехкадас теркалдир, Конституце чулаьцараш лорадеш, мехка хӏама тоадеча наькъ тӏа къахьегаш хила везилга. Вай мехкара бахархой аьттонца, беркатаца, бартаца баха даькъалабийцар Мехкадас.
