Даьттагӏерча культуран Цӏагӏа кхетаче хилар
Даьттагӏерча культуран Цӏагӏа дӏахьош йолча кхетаче, дакъа лоацаш хилар Мехкада. Паччахьалкхен филармонера артисташ, иштта юртарча халхара, ашарий кружокера бераш дар; шоай начӏал гойташ.
Келаматанаькъан Махьмуд-ӏаьлас белгалдир, юрташка культуран Цӏенош мел лоархӏаме, пайдане да, хӏана аьлча къаман беркате ӏадаташ, культураца дувзаденнараш хьаллоацаш болх лоаттабу цар чу:
«Культуран Цӏа вай къаман тхьовра денз лорадеш хьадахьа беркате ӏадаташ, хоза оамалаш, мотт, истори, культура лорадеш, дийндеш йола моттиг я. Укхаза вайна гу Даьхенца дувзаденнараш, кхувш латтача тӏехьен начӏал, беркате гӏулакхаш ӏомадар, доаржадар».
Даьттагӏе эггара хьалха хьалдаь Культуран Цӏа да из. «Культура» яхача къаман проектага гӏолла дӏабихьар из беркате болх. Тайп-тайпара дукха кружокаш хьаелла лаьрхӏа болх ба цига дӏаболабаь. 2022-ча шера хьалъе йолаяь гӏишло 2023-ча шера кийча яр.
Цхьан гӏатах латтача гӏишлон чу кхетаченаш дӏакхухьа, 200 сага моттигаш луш йола зал, библиотека, иштта кхыдараш да.
