Хоржамашка котваьнна Татрий республикан кулгалхо даькъалавийцар вай мехкадас
Хоржамашка котваьнна Татрий мехка кулгалхо Минниханов Рустам даькъалавувцаш къамаьл дир вай мехкадас Келаматанаькъан Махьмуд-ӏаьлас. 88% бахархоша мехка кулгалде из хержар.
Бувзама оагӏонашка ше яздаьчун юкъе, вай Мехкадас белгалдир, иззал наха Минниханов Рустам хьаллацар, царна цох тешаме, дика кулгалхо хетилга долга. «Цу гӏулакхо хьагойт, бахархоша хьо лоархӏилга, республикан кулгалдара моттиге хьох тешаме къахъегамхо царна хетилга», - аьлар вай Мехкадас, Минниханов Рустамага деча къамаьла юкъе.
Иштта вай республикан кулгалхочо теркалдир шин республиканна юкъе массахана бувзам, барт хиннилга. Укх шерарча маьтсела бетта вай мехка вена хилар Татрий республикан кулгалхо. Келаматанаькъан Махьмуд-ӏаьлаца цар дийцар, цхьана бувзам лоаттабеш дӏахо къахьегарах.
