Кӏажъуха йӏовхараш кхераме лазар да
16.12.2025 11:16
Чӏоагӏача, садоахаш йола дегӏа моттиг дӏалоацача инфекцех, кӏажъухача лазарах дийцар, пехкашка хьежача лора, берий республикански клинически дарбанчен педиатра Овшанаькъан Мухьмада.
Из лазар чӏоагӏа кхераме да берашта хилча, цудухьа ший ханнахьа дарба де деза цун, маьхий тоха деза.
Лазар ший тайпара чоалхане да, шийгара дарба дар укхаза пайдана дац. Нагахьа санна шун бер кхайкаде доладеннадале, кхыйола лазар чӏоагӏлуш латта моттигаш белгал - йоалаш хуле, лорага ваха веза. Говзанчаша хьехаргда, цунна мишта дарба де деза.
