Нувхаш дӏакхувса йоккха моттиг, дӏаяккха мегаш я федеральни ахчах
Илдарха-Гӏалий тӏара йоккха, 32 гектар доазув дӏалаьца йола нувхий моттига хьал 2,5 балла тӏара 5 баллага кхаьчад. Цу гӏулакхо аьттув лу, моттигаш цӏенъеш, боккха болх дӏабахьарах йолча проекта юкъе дакъа лаца. Федеральни оагӏоно гӏо деш дӏабахьа лерхӏ болх.
Моттигера хьакимаш цу оагӏонцара проектно-ахчан каьхаташ кийчдеш, экологически оагӏонцара экспертизаш йоахаш, кийчо еш ба. 2027-ча шера Россе ӏалама гӏулакхех йолча Министерство дӏаяхьа лерхӏача яхьашта юкъе дакъа лаца кийчъеш я проект карарча хана.
«Из нувхий гув дӏабаккхар экологически хьалаца дувзаденна, бахархошта чӏоагӏа лоархӏаме да. Дикка доазув да из моттиг цӏенйича шахьаре мукъадаргдар, хӏаьта из керда, дика аьттув ба кхыдолча гӏулакхашта», - аьлар вай мехкадас Келаматанаькъан Махьмуд-ӏаьлас. Белгалде деза, шахьарера из нувхий моттиг экологе хьал толхадеча Госреестра юкъе йолга.
