Гӏалгӏайчен КСВО «герга истол» дӏадихьар, истори лорадеча музея моттиг ювцаш
Гӏалгӏайчен Наьсарен кхален Мужечарча ишколе, Халкъашта юкъера музея ди долаш, Даьхен бӏухой дезала Комитета моттигерча даькъо хьаллоацаш, «Культуран тӏехьале лораяра музея болхлочун дакъа» яха «герга истол» дӏадихьар. Кхетачено вӏашагӏтехар хьехархой, дешархой, хьинар дараш, иштта исторически бакъдолчун тӏехьабараш. Цу тайпара кхетаченаш дӏахьош хиларо таро лу кагирхошта патриотически кхетам бала. Цо белгалду исторически бакъдар, гӏалгӏай къаман культуранн ӏадаташ лораде дезилга.
«Герга истол» дӏахьош дакъа лоацаш вар ГӏР КСВО кулгалхочун хьалхара гӏонча Чуранаькъан Д., иштта культуран- дукхача кхетачений даькъа кулгалхо Мерашканаькъан Р. Цар дакъа лоацаш хиларо таро елар музея балха таханара хаттараш дувца, уж да вай кагирхошта хьалхашка нийслурех», - аьлар «Сердало» газетага из болх вӏашагӏбеллараша.
КСВО викалаша дег чура баркал аьлар музея гӏулакх дӏадахьа мел лаьрхӏарашта. Цар белгалдир, музея болхлой лоархӏаме къахьегам- из экспонаташ дагаръяр хинна ӏац, из да исторически дагалоаттам, культуран тӏехьале лораяр.
«Герга истол» дӏахьош белгалдир, хоамий тӏемаш дӏахьош, истореш хувцаш эттача ханашка, къаьстта музея болхлоша доккха дакъа лоац бакъдар лорадеча. Цар шоай болх бехктокхаме дӏахьош хиларах кхувш йоагӏача тӏехьенна шоай овла дикагӏа бовз, даьшта карагӏдаьнначох доккхал де йиш йолга ховш хул. Къаьстта мехктохкама музейшка хьалхарча аргӏагӏа берашта Даьхенцара безам совбоаккхаш йола оагӏув дӏагойт.
Кхетаче дӏайихьар безаме, шоайла дагабоалаш, масса болча доакъашхой таро хилар тӏехьале лораяр - из юкъара декхар долга кхетаде.
