Мехкарча ИЗО музее аргӏанара «Суртанчаца делкъер дар» яха кхетаче хилар
Вай мехкарча Паччахьалкхен кхоллама музее дӏайихьар культуран оагӏонцара «Суртанчаца делкъер дар» яхача проектацара аргӏанара кхетаче. Укх наькъа керттера турпалхо Россе Санкт-Петербургски суртанчий Союза оагӏон доакъашхо Тӏоаршхой-Дотсон Марем яр, хӏаьта хьаьший Эбарга-Юртарча № 5 йолча ишколера дешархой бар.
Дешархошца экскурси дӏайихьар цига. Цхьацца суртий истори довза, уж хьакхоллара никъ мишта хиннаб тахка аьттув хилар цар. Тӏоаршхой Марема берашта дийцар ший вахаре из хӏама мишта гучадаьлар, суртанча хинна къахьегаш волча сага эггара чӏоагӏагӏа теркалде дезараш малагӏаш да. Дешархой дукха хаттараш хилар сурташ дахкара говзал караерзаяьча сагага; хӏаьта цо, геттара раьза йолаш, даьшхар берий хӏара хаттар. «Сердалога» из хоам бера музея зарбан болх лелаберашкара.
«Суртанчацара делкъер дар» яха проект ИЗО Паччахьалкхен музея болхлоша «Магас» НТРК «Пушкина карта» яхача федеральни программага гӏолла йоаржаеш я.
НТРК «Магас» телеканала «Культура» яхача Бӏарахой Элизай программе хьажа йиш хургья цунга бахархой.