Гӏалгӏайче СВО заӏапхошта, царна эша гӏирс лоаттабу
«Даьхен лорабой» паччахьалкхен ганза Гӏалгӏайчен филиало дӏахо дӏахьу бӏухошта лаьрхӏа йола вахар хьаллацара программа. Цунна чудоагӏаш да, тӏем тӏа човнаш хиннача бӏухошта лаьрххӏа бола тӏабувхабу гӏирс лоаттабар. Из гӏирс дӏакхаьчарех цаӏ ва СВО ветеран Баьтаранаькъан Мухьмад. Филиала болхлоша цунна лаьрххӏа эшаш бола гӏирс дӏабелар, дегӏа могашалга хьежжа.
«Меттаоттара болча гӏирсо таро лу физически хало лаьгӏъе, барзкъа аттагӏа тӏадувха, ветераний вахара хьал аттагӏа хилийта. Оаха даим бӏухошта терко лоаттаю, цар хьалаш дика хилийта хьож, эшачунца ӏалашо ю», - аьлар «Даьхен лорабой» ганза филиала вахара оагӏоца бувзабенна болх лелабеча Борзенаькъан Лейлас.
СВО бӏухошта лаьрххӏа бола тӏабувхабу гӏирс ца хилча баргбоацаш ба. Из хьаэцара цар язде деза, моттигерча филиала вахара хьаштий болх лелабеча говзанчага.
Уж барзкъаш лаьрххӏа човнаш хинна, заӏапхой болча наха лаьрхӏа хьадеш да, эшаш дола чӏегаш а доахкаш. ӏодаккха, тӏадувха атта хургдола барзкъа да из, кулгаш детташ валла ца везаш, шоайла хотталуш йола магнита оагӏонаш я барзкъаш дӏадехкаш.
Из эшаш да йоккхий човнаш хиннача, заӏапхой болча бӏухошта. Программа лаьрхӏа я бӏухошта аттагӏа хургдолаш, уж цу вахарга сихагӏа ӏамаргболаш.