ГӀалгӀай къаман
юкъара газет

Новости


Унахцӏенон оагӏонцара гӏо лоаттадар боаггӏача боараме хилийтара хетаяь семинар я, вай мехка дӏахьош

Унахцӏенон оагӏонцара гӏо лоаттадар боаггӏача боараме хилийтара хетаяь семинар я, вай мехка дӏахьош

Лорашта, дарбанчешта кулгал дерашта хетаяь семинар дӏайихьар Наьсарен-Шахьара поликлинике. Болх боаггӏача боараме хилийтарца дувзаденнараш да цига доашхараш. Хӏаьта спикер хинна, кхетаче дӏахьор Росздравтӏахьожама лорий гӏо дара, кхераме доацаш, лорий гӏирсаш лертӏа хилийтарах болча Оагӏон ФГБУ «ВНИИИМТ» кулгалхочун гӏонча Таут Диляра я.

«Семинара керттера декхар; могаш боацарашта гӏо дар цхьаккха гӏалатло, кхоачамбоацар доацаш хилийтарца дувзаденна да. Къаьстта лоархӏаме болх ба ала деза цох, дарбанчешта кулгал деш барашта. Иштта боккха пайда хул цу семинарах лорашта а. Балха тӏа нийслуш дола гӏалаташ ма хулла лаьгӏдара, гӏо дар дикка тоадара оагӏонца эшаш кхетаче яр из. Балхаца нийслуш дола гӏалаташ гучадахарал совгӏа, уж хургдоацаш лораде дезараш белгалдеш моттиг хилар цох. Ма дарра аьлча, таханарча ханага хьежжа шоай болх тоабе лорашта гӏо деш моттиг я ала йиш яр цох», - дийцар «Сердалога» мехкарча унахцӏенон министерстве.

Дешара курс кхаь денах латташ я, цул тӏехьагӏа вебинарашка гӏолла, гаьнара бувзам оттабеш, дӏахьоргда из гӏулакх. Унахошта боаггӏача боараме дарба деш, терко еш, лорашта накъадаргдола хӏамаш да цу курсага гӏолла довзараш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх