Кегадаларгара - цхьоагӀонга: дӏадахача шерашка хинначунга хьежача

Тахан тӀехьашкахьа юхахьежача, хала да дага ца дохаш дита, мичахьара деррига хьадоладелар.

«Сона дика дагайоагӀа эггара халагӀа ена ханаш 2000 шерашка. – Уж яр хала ханаш, цхьа ди дӀадодацар хатар ца нийслуш, цу тайпара хоам ца хозаш: эккхийтар, герз тохар, маьрша нах боабар, бокъонаш лораераш боабар. Террористически зуламаш Ӏаткъаш дар Ӏаьдала балха. Зуламхой гӀертар ма хулла къам кегаде, нийса вӀашагӀбелла Ӏаьдала бокъонаш лораерий болх толахабе, Ӏаьдал дохаде, бакъда из хьал овлангара хувцаделар республикан кулгалхоша, НАКа ший болх лерттӀа вӀашагӀболларах»,- аьлар министра Мизенаькъан Руслана.

Министра яхачох республико халонаш лайра, хӀанз берашта паргӀато хургйолаш, ишколашка деша. МоастагӀа вохавир, цун кертте лаьтта гӀоз хӏалакбир, итташ къайлагӀа леладаь герз хьадаьккхар. Хӏанз сатем болаш я – из да дукха къахьегарах хьахиннар.

ГӏалгӀайче: балха моттигашкара пайда

Болх нийса вӀашагӀбелла хилар хьагойт ГӏалгӀай Республикан Миннаца 2025 шера баьча терроризма духьаларча балха толамаша. Тахан из болх Ӏаьдала а, юкъарлон викалаша а хьехамаш дарца дукха дешаш кхоачашдеш дӀахьош ба; вай кхувш йоагӀа тӀехье харцахьара никъ хьаийца, зуламашта тӀехьаяргйоацаш.

2025 шера мехка дешара урхалленашка( ишколашка, ссузашка, вузашка) Министерство дӀахьу 1000 хьехам бу кхетаченаш, цу юкъе хул бокъонаш лораераш, дин викалаш, НКО дакъа а лоацаш. Керттера да кагирхошца семинараш дӀахьош хилар, иштта Ӏомабу паччахьалкхен болхлой, хьехархой лаьрххӀа йола программаш юкъейоахаш, дӀахьу герга истолаш, цига дин викалаша а дакъа лоац.

Белгалде лов, кагирхошца дукха болх беш хилар: хӀара шера дӀахьу дешара моттигашка терроризма, экстремизма духьалъоттара йола кхетаченаш, цига царна дувц цох хьадоалаш дола зулам мел доккха да.

Дика хьаллоац юкъарлоно бу болх: дӀайихьай «ДикагӀа йола проект» яха профилактикан даькъ тӀара яхь, иштта берий сурта «Машара - «хӏаа», террора - «ак» яха берий яхь. ДикагӀа из деррига чулоацаргдолаш хьехама оагӀув лелаю: 2025 шера хьакхеллар 120 эзар буклет, листаш, баннераш, иштта «Машарга бода никъ», «Бӏарга ца гуш тешар» яха документальни фильмаш, цар дувц харцахьбара никъ хьаийцача хулаш долча ийрчача вахарах. Телевидене, радио лаьрххӀа бола болх бу, иштта «Сердало», «ГӏалгӀайче» газеташа кепа етт даим терроризма духьалъотташ хила везарах дувцаш долча йоазошта.

Хургдолчунга хьажар

Таханара ди - из боккха болх дӀахьош йола ха я. Бакъда иштта дар аьнна паргӀатавала йиш яц, моастагӀа говза а унзара а ва, цунна дагадоха тарлу кхыдола наькъаш. Бакъда тахан цу деша боарам геттара башхало йолаш ба, ткъо шу хьалха хинначунга хьежача. Сиха тӀаэца дезаш дола хьал даим тӀахьожам болаш да. НАКа, иштта терроризма духьаларча кхело моттигашка дӀахьош бола болх ГӏалгӀайчен масалашка тешшаме гуш ба, из лоархӀаш ба лакха дикал йола кхерамзлен оагӀув санна. ГӏалгӀайче деррига ду, из унзара ха кхы юхайоагӀаргйоацаш.