Ӏилман конференци
Ӏилман къамаьл ду доазув хургда ГӀалгӀайченах
2024-ча шера гуйран хьалхарча бетта, къамашта юкъера Ӏилман къамаьл дӀахьоргда Магасе». Къамий-паччахьалкхений хьахилар Россе: истори, таханара ха» яха къамашта юкъера Ӏилман-практически кхетаче хургья цига 23-ча, 25-ча деношка. ГӀалгӀай республикан 100 шу дизара хетадаь да из гӀулакх.
Кхетаче дакъа лоацаш хургба Россера, кхыча мехкашкара боккхий Ӏилманхой. ТӀема ханашкара таханарча денга кхаччалца дола, тайп-тайпарча ханашкара Кавказерча политикаца, культураца, истореца дувзаденнараш дувцаргда цар. Цу гӀулакха хьалхаоттараш - республикера Ӏилма-тохкама институт, гӀалгӀай паччахьалкхен университет, республикерча архива болхлой, гӀалгӀай мехкара паччахьалкхе, культуран гӀулакхех йола министерство, дешареи Ӏилмани гӀулакхех йола министерство.
Эггара лоархӀамеча гӀулакхех дувца цхьан истола гонахьа гуллургба доакъашхой: «Культуран-меттацара политика: РФ къамий метташ лорадарца, доаржадарца дувзаденна дешаш», «Кавказерча къамий культуран тӀехьале лораяр».
Юкъарча, гуманитарни Ӏилмашца дувзаденна, Кавказерча политически, тайп-тайпарча къамашцарча бартаца, вӀаший тардаларца дувзаденна лоархӀаме къамаьл хургда доакъашхой.
