Мир «оживших игрушек»
«Дошо боргIилг» яха теникий театр кхаьчад республике
В течение трех дней — с 14 по 16 ноября, в Театре юного зрителя в городе Назрани маленькие жители республики смогут насладиться миром «оживших игрушек»: здесь пройдут спектакли Озерского театра кукол «Золотой петушок» (Озерск — закрытый город в Челябинской области). Стоит сказать, что данные гастроли являются одним из направлений (поддержка детских и молодежных театров) т. н. «Больших гастролей» — масштабной федеральной программы, организованной Росконцертом согласно Всероссийскому гастрольно-концертному плану Министерства культуры России, призванному воссоздать единую гастрольную систему страны.
Россе культурах йолча министерствас вIашагIъеллача йоккхача федеральни проекте чубодаш ба из болх. Теникий театр — берий эггара чIоагIагIа дог гIоздоаккхаш йола моттиг я. Цар аьттув хул шоай дегашта дезаденнача фаьлгашкара турпалхой бIаргаго, цар меттага ладувгIа.
Берий театре дIайихьача пресс-конференце «Дошо боргIилг» яхача театра керттерча режиссера Ерохин Дмитрийс вай журналисташка дийцар шоай театра дIаьха истори, республике эггара хьалха баьхка шоашта дайзача берех дар. Цига дакъа лоацаш бар берий театра кулгалхо вола Хадзинаькъан Муса, культурах йолча министерства кулгалхочун гIонча вола Йовлой Ильяс, иштта кхыбола болхлой а.
— Теникий театро зIамигача хьажархошта дукха сийрда, хоза уйлаш лу, аьлар цо. Сакъердлуш хиларал совгIа, берашта хьаэца дика массал долаш хила беза вай болх. Бера хана хаэц саго вахарера дукхагIа йола оамалаш, гонахьара дар зе а цу хана волалу.
Цунга хьежжа, наха юкъера барт-безам, кIаьда оамалаш, вIаши гIо деш хилар, нийсхо лоаттаяр дIахьокхаш хила деза воаша лелабеча балхаца. Йовлой Ильяса теркалдир, иштта дIакхухьача гастролеша къамаш шоайла вIашка оз, тайп-тайпара йола культур, Iадаташ довз.
Ерригача Россе нах шоайла бувзам болаш баха безалга хьахьокх цу гIулакхо. Ерохин Дмитрийс доккха баркал аьлар гулбеннарашта шоаш республике иштта хоза тIаэцарах. Шоай театр хьаотташ, дегIадоагIаш мел хинна истореш дийцар цо пресс-конференце. — «Сороковка» яха цIи йолаш цхьа поселок яр из цхьан хана.
Берригача мехкара нах ухар цига балхашде. 1949-ча, 1950-ча шерашка цига малха даьлар 4000 совгIа бераш. Къонача, хIетта хьахиннача пхьен теникий театр геттара эшаш хилар. 1952-ча шера драматически театра кхоллама болхлоша доккха совгIат де лаьрхIар зIамигача бахархошта. Теникий театр хьакхолла безам болаш хьайзар уж.
Бакъда, е теникаш мишта хьае еза ца ховш, е из болх малагIча тайпара дIабахьа беза довзаш боцаш хала яр юхьиг. Халонашта духьала увтташ дIадоладир цар шоай гIулакх. ХIара денна меттадоагIаш болх дIахьош хиннача театра 1977-ча шера «Дошо боргIилг» яха ший цIи хилар.
1979-ча шера «ДикагIа мел дар-берашта» яхача проекте гIолла хьалъяьча керда чу гIишло чу дIачубахар актераш. Хоза тоадаьча театре дега тоам хургболча фаьлгашка, спектаклешка хьежаш мерза вахар дуалда шун бераш! Ираз долаш, аьттонца шоай къахьегам дIабахьа низ хилба шун!«, — аьлар актера Образцов Сергейс. Балхацара кердадараш дIай-хьай дувцаш хоза ха дIайихьар кхоллама болхлоша.
Хьаьшаша вай берашта хьокхаргья массехк спектакль — «Машаи чаи», «Мюнхгаузен яхача барона вахаре нийслуш дола гIулакхаш». Лоаме баха цигарча моттигех бIаргтоха лаьрхIа бар Челябинскера актераш.
