Берий лагерашка кхерамзлен болх дахьош ба МЧС болхлой
07.08.2024 19:58
Ишколошкарча, иштта бийсаш йоахаш бераш Ӏеш долча республикерча лагерашкара, кхерамзлен хьал лорадеш, болх дӀакхухь МЧС болхлоша. Укх наькъа «Аьрзи» яхача лагере кхетаче дӀайихьар сиха оарцагӀъухараша. Из хоам «Сердалога» бир Республикерча МЧС.
Хи чу баьлча эггара чӀоагӀагӀа лораде дезараш хьалхадаьхар берашта цу оагӀонцарча болхлочо. Берашта хайра, хатар хургдоацаш, фу де деза, хьайна юхе халача хьале эттар мишта кӀалхарваккха веза, сенах лоравала веза хин юхе.
Лоамашта юкъе уллача лагере салоӀаш, хьийдда доагӀача Эса чу лувчаш, шоашта накъадаргдараш дайзар царна.
