Ахчанца базар еш хиннача зуламхочо 100 эзар сом ахча даьккхад вай мехкахочунгара
Интернете гӀолла ахчанца базар еш ва со, боккха аьттув хургба хьона, аьнна, оапаш бийца; 100 эзар сом даьккхад цхьан зуламхочо вай мехкахочунгара. Из хоам «Сердалога» бир МВД болхлоша.
«Наьсарерча полице болхлошка латкъа венача вахархочо дийцачох, «BYBӀT Комьюнити» яхача канале гӀолла бувзаме ваьннача Максим ва со аьннача зуламхочо, боккха пайда хургба хьона аьнна Ӏехаваь, 100 эзар сом ахча даьккхад цунгара», - йоах Ӏаьдалгара бенача хоамо.
МВД болхлоша лохаш ва зуламхо. Бахархошка даггара кхайкарал деш хьадоагӀа! Боккъал а ма Ӏехадайта шоаш, малашб ца ховча зуламхошка, ма дувла царца бувзаме, кӀеззига уйла еш, фийла хила!
Интернете гӀолла ахча даккха аьттув ба хьона яхача малашб ца ховрашцара бувзам цу сахьате хоадабе! Тахан нах Ӏехабераш интернет йизза багӀа, из кхетадеш, оашош фу ду кхетадеш хила!
