Кавказе 2024 шера 23 террористически зулам юхатехад
ГӏалгӀайчен кулгалхочо Келаматанаькъан Махьмуд-Ӏаьлас дакъа лаьцар, Россе ФСБ кулгалхочо Бортников Александра кулгал а деш, Къаман антитеррористически комитета совещане, яхаш, хоам бу мехкадаь зарбан болх лелабераша.
Доакъашхоша дийцар, вӀаший моастагӀал леладара, низ бара тӀахьехаш барашца мишта къовсам лоаттабича бакъахьа ба. ДукхагӀча даькъе дийцар Къилбаседа Кавказа кагирхошта юкъе из зулам доаржаде гӀертараш юхатоха безарах. Цу тайпара хьалаш цар дӀа-юха кхоачийт вахара бувзамашка гӀолла.
Ерригача СКФО гӀолла латташ дола статистически хьал а дийцар. Масала, 2024 шера 23 террористически наькъ тӀа де лерхӀаш хинна зулам юхатехар, иштта пхе террористически тоабан болх юхасоцабир, цу тайпаарча унзарча хьалашта юкъебаьнна 200 совгӀа саг лаьцар, уж бувзабенна бар терроризмаца.
«Кхетачен чаккхе еш, Къилбаседа Кавказе терроризма духьала болх бара керттера декхараш къоастадир, цу юкъе кагирхой террористически наькъ тӀа бахара леладеш дола зуламаш юхатохар а долаш», - аьлар Келаматанаькъан Махьмуд-Ӏаьлас.
