Ний яхача моттигера гIалаш тоае дIаболабеннаб
Ний — исторический комплекс с множеством архитектурных объектов: 4 боевые башни, 1 полубоевая и 13 полуразрушенных жилых, а также 2 столпообразных святилища и 14 склеповых могильников. Некогда это был жилой квартал, входивший в село Гули, что в Джейрахском районе. Еще в прошлом году благотворительный фонд «Сафмар» Микаила Гуцериева выделил средства на его реконструкцию, в результате чего 6 башен удалось спасти от разрушения, они были восстановлены в первозданном виде. Как известно на этом помощь основателя «Сафмар» не прекратилась, финансирование продолжается, а это значит, что и работа по спасению оставшихся сооружений комплекса тоже.
«Укх шера тоаеш латт кхы а ялх гIала. Тхо укхаза хьалдаьхка цхьа кIира да, бакъда болх бе аьттув шин дийнахьа мара хиннабац. ДогIаш лаьттад укхаза, Ний эггара чIоагIагIа догIаш латташ йола моттиг я. Цул совгIа, догIаш сайцача, дIа-хьа лела, хIамаш дIа-хьа кхахьа йиш йоацаш, Iочуухаш хул кIалахра лаьтта», — дийцар тхога цу балха тIахьожаш волча Харсенаькъан Мухьмада. ДогIаш латтача хана а, шоашта де хIама лох болхлоша.
БIаьшерий исторен тешал деш латтача гIалай пенаш цIендеш, царна тIайижа кховра Iодоаккхаш боахк уж. Из болх чIоагIа лоралуш, шорттига бе безаш ба, хIана аьлча, тхьовра хинна чIоагIал, низ дIабаьнна, харца дукха хIама ца эшаш латтача гIалашцара болх, из деррига теркалдеш бе беза. «Е моттиг цIенъеш доахк тхо хIанз. Е пен хоарцабаьб оаха, юха хьалботтаргболаш. Бе безар дукха болх ба. Ер деррига кхерий, тоадеш, хьакха дезача дIахьокхаш, нийсде деза», — дийцар Микаила. ТIема гIалаш, нах бахаш йола гIалаш лаьттай Ний.
Нах чубаьхараш, геттара чIоагIа телха, харца дукха хIама ца эшаш латт таханарча дийнахьа, тIема гIалай хьал-м дуккха дикагIа да. «БIехача хIамашца ийна, шераш доахаш лаьтта улла кхера, цигара хьадоалача кислотас телхабу, вар тIайоал. Из хургдоацаш, бIехача дада кхерий, екъача моттигашка Iодехкаш, докъадолийташ, кIалхардаха деза», — дувц Мухьмада. Ний дIахьош латтача балха бустам баьккхар я, Санкт-Петербургера архитектурни моттиг. Проект хьакхоллалехь, лазерни сканировани йир цар гIалашта, тайп-тайпара пробаш яьхар. «ГIалай кхерий, царна юкъебоалла маркхал, Петербурге дIакхухь оаха. Цига химически анализ йоаккхаш тохк, из фу кхера ба, маркхал сенах баьб. Цу хана вай даьша беш хиннача маркхала гарга хургбола маркхал кийчбу оаха тахан. ЧIоагIа тамаш яйташ да, кIалха лард йоацаш, хьалъяь латта уж гIалаш, укх ханага кхочаш, иштта латта йисар. Цар истори дувца тхо мел дахача моттигера нах, цецбувлаш, баге йийлле тхога ладувгIаш, тамаш еш хул. Сона цхьа тамашийна болх хет цу хIамах. Цудухьа, беррига низ тIабохийташ, деррига адам цецдувлаш латта исторен тешаш йола гIалаш кIалхара яха», — дийцар ООО «АСМ» кулгал деча Михайлов Алексейс. Вай мехка доккха беркат да уж гIалаш. Вай дай баьха, цар моастагIа юхавийтта, хам баь варгвоаца гIалаш.
«Сафмар» яхача ганзо тахан, вай Мехкадаьца чIоагIо яь, доккха гIо да гIалаш кIалхаръяха деш дар! Цу балха юкъейода, «Аьрзи» яха лагерь, гостиницаш, ресторанаш, туристаш сецаш йола моттигаш. Морч, Харпи яхача моттигера гIалаш а латт тоаеш. Ер шу йистедалале, чакхбаккха гIерт болхлой цигара къахьегам. ХIаьта эггара лерхIмегIдар да, гIалаш дика тоаяр, болх лакхача боараме дIабахьар. Вай къаман истори даха дезаш да кхы а бIаьшерашка.
