Шолжа-Шахьарера керда тӏий, Аьлен дехьа яхача моттига бахархошта паргӏато еш хилар
Аьлен дехьа оала моттиг шахьара керттерча доазонца хотташ хилар Шолжа-Шахьаре тоадаь керда тӏий. Шахьарерча моттигий хьал меттадоаладарах йолча къаман проектага гӏолла, дӏахьош болх хилар цох. Белгалде деза, цу гӏулакхо дукхача шерашка наьха сатем боабаь, бахархошта къувлаш хинна кхоачамбоацараш юстартеттилга. «Сердалога» тахан из хоам кхаьчар мехкарча Паччахьалкхера.
Шахьара шин доазон юкъе дукхача хана денз кӏоарга ор латташ хилар, наьха паргӏато йоаеш дар. Машинашца болхараш, иштта гӏаш арабаьннараш дукха ха йоаеш гобаьккха кхача безаш хулар шахьаре, къаьстта хало йора цу гӏулакхо, арара хаоттам телха ди деча. Тӏий дукхача шерашка ца талхаш хилийтара, кхерамзленца дувзаденнарашта къаьстта терко йир болх дӏахьош баьхкараша. 50 метрага кхоачаш дӏаьха, 12 метр шера да керда тӏий.
Шинна оагӏонца гӏаш леларашта, никъ биллаб цига, гонахьара доазув чудерзадаьд. Цул совгӏа, ара боад эттача никъ лертӏа гуш хургболаш тока биъ бӏоагӏа оттабаьб.
Хий айденна болх хилча тӏий дохадергдоацаш, лаьрхӏа къахьийгад хиш юстара дӏаухаргдолаш. Аьлен дехьа оалача моттиге бахача наха доккха совгӏат хиннад ала йиш я цу гӏулакхах, хӏана аьлча цар вахарера дукхача хана денз хало еш хинна кхоачамбоацараш меттадоаладеш да из. Шолжа-Шахьарерча администраце хьалха этта дӏабихьа боккха болх ба из.
